Alonso Faure incorpórase ao xogo interior do Monbus Obradoiro / Obradoiro

Fichaxe

Alonso Faure incorpórase ao xogo interior do Monbus Obradoiro

23 de xullo de 2026

O pivote alicantino chega ao conxunto obradoirista tras completar unha destacada tempada en Primeira FEB, na que confirmou a súa progresion e se consolidou como unha das pezas importantes do Alimerka Oviedo Baloncesto.

Alonso Faure (Busot, Alacante, 2002) súmase ao Monbus Obradoiro para reforzar a rotación interior do equipo. O pivote, de 2,08 metros de altura, chega procedente do conxunto asturiano despois de completar a súa primeira tempada íntegra como profesional.

Formado nas categorías inferiores do Valencia Basket, o interior continuou o seu desenvolvemento nos Estados Unidos, onde disputou catro tempadas con Loyola Maryland e unha última campaña universitaria en Pepperdine University.

Durante o curso 2025/26, Faure deu un paso adiante no seu rendemento co Alimerka Oviedo Baloncesto, participando en 31 encontros de fase regular, 15 deles como titular. Naranqueses partidos promediou 7,7 puntos, 5,5 rebotes e 9,7 créditos de valoración en 17 minutos por encontro, contribuíndo ao gran ano do conxunto asturiano, que alcanzou a Final a Catro polo ascenso.

Coa súa incorporación, o Monbus Obradoiro suma un xogador mozo, con presenza física e capacidade para achegar na pintura.

Benvido a Santiago de Compostela, Alonso! Estamos convencidos de que gozaremos moito do teu xogo en Sar.

Categorías

Destacado

Cadro de xogadores

Equipo