Caleb Agada: “Estou moi agradecido e contento de estar aquí” / Obradoiro

Fichaxe

Caleb Agada: “Estou moi agradecido e contento de estar aquí”

21 de agosto de 2026

O novo xogador do Monbus Obradoiro destaca as súas primeiras sensacións en Santiago e fixa como principal obxectivo cumprir cos obxectivos do equipo nesta campaña.

Caleb Agada xa está plenamente integrado na dinámica do Monbus Obradoiro e as súas primeiras sensacións en Santiago son moi positivas. “Todo o mundo foi moi agradable e profesional. Hai unha boa química no equipo polo que conseguiron o ano pasado, así que foi moi doado para min chegar e intentar axudar a acadar os nosos obxectivos”, explica o exterior, que se mostra “moi agradecido e contento de estar aquí”.

De cara á tempada, Agada ten claro o obxectivo: “A expectativa principal é manternos na ACB. Despois, estaría moi ben conseguir grandes cousas, como chegar aos playoffs”. Para conseguilo, considera fundamental traballar e ser constantes.

O xogador tamén pon o colectivo por riba das súas estatísticas persoais. “As estatísticas individuais xa non significan demasiado para min. Todo depende de como o equipo acade os seus obxectivos”, sinala. A súa intención é achegar para que o equipo “sexa mellor, máis positivo e máis constante”.

Agada afronta con ilusión o seu regreso á ACB, unha competición que considera “unha das mellores ligas do mundo”, e móstrase “honrado” de poder competir nela.

Ademais, está disposto a adaptarse ás necesidades do equipo e a xogar tanto de base como de escolta: “Non me importa. Quero dar o mellor de min e axudar o equipo”.

Ferrecal renova o seu compromiso co Monbus Obradoiro

Monbus Obradoiro e Ferrecal renovaron o seu acordo de colaboración para unha nova tempada, mantendo o seu compromiso tanto co primeiro equipo como co proxecto de canteira do club.

Categorías

Destacado

Plantilla

Equipo