O conxunto dirixido por Martín Guerreiro remontou unha desvantaxe de 19 puntos ante o UCAM Murcia CAR e selou a vitoria no Multiusos Fontes do Sar cunha canastra decisiva de Louis Riga a falta de catro segundos.
O partido comezou con igualdade e cun Obradoiro que levou a iniciativa durante os primeiros compases. O bo xogo dos de Martín Guerreiro permitiulles manterse por diante no marcador (12-10), pero o conxunto murciano reaccionou para darlle a volta ao resultado e pechar o primeiro cuarto con vantaxe (12-15).
O segundo período complicouse para os locais. Ao Obradoiro custoulle atopar continuidade en ataque e o UCAM Murcia CAR aproveitou a situación para asinar un parcial de 5-13 en apenas tres minutos e medio, situando o marcador no 17-28. Os visitantes mantiveron o control do encontro e ampliaron progresivamente a súa vantaxe ata chegar ao descanso cun 21-37.
Tras o paso polos vestiarios, o conxunto compostelán intentou cambiar a dinámica do partido, aínda que o poderío físico dos murcianos lles permitiu conservar unha importante renda. A falta de seis minutos para finalizar o terceiro cuarto, a diferenza alcanzaba os 19 puntos (25-44).
Porén, o Obradoiro non baixou os brazos. Tras un tempo morto visitante, os de Martín Guerreiro atoparon o impulso necesario para iniciar unha gran reacción. Cunha maior intensidade defensiva e acerto ofensivo, os locais foron reducindo distancias ata situarse a só catro puntos (42-46) cando restaban tres minutos para finalizar o período. O UCAM Murcia CAR conseguiu reaccionar nos últimos compases e pechou o terceiro cuarto cun 44-51.
Con sete puntos de desvantaxe comezou un último período no que o Obradoiro seguiu crendo nas súas posibilidades. A diferenza reduciuse ata os tres puntos (50-53) e o encontro entrou nunha fase de máxima igualdade. Os composteláns continuaron loitando por cada posesión e conseguiron colocarse a só dous puntos (62-64) a falta de algo máis de tres minutos.
O desenlace estivo á altura do encontro. A falta de 34 segundos, tres puntos separaban ambos os conxuntos, pero o Obradoiro seguiu buscando a remontada. Tras un tempo morto de Martín Guerreiro, os locais conseguiron achegarse ata o 68-69, deixando o partido completamente aberto.
E cando todo parecía encamiñado a un final de infarto, apareceu Louis Riga para anotar a canastra decisiva a falta de catro segundos e completar a remontada. O 71-69 definitivo certificou unha gran vitoria do Obradoiro U22 ante o líder da competición.
Ficha técnica
71 – Obradoiro U22: Mateo Cambon* (2), Pablo Rodríguez* (21), Pedro Baddini (9), Louis Nea Françoise (11), Miquel González* (5), Hugo Sánchez (0), Miguel Rodríguez (0), Malang Adjiba Badji* (15), Hadrian Mateo (5), Mateo Riveiro (0), Illia Butenko (0), Yago Rey* (2).
69 – UCAM Murcia CAR: Rybar Matus (6), Darío Parra (0), Anthony Daniel Estrella* (12), Nicolas Marina (9), Gaye Khalifa (0), Joao Ricardo Neves* (8), Daniel González* (7), Pablo Sevilla (0), Mohamed Daouda Cissoko (5), Gildas Giménez (3), Alan García* (10), Samuel Nohel* (9).
Parciais: 12-15, 21-37 // 44-51, 71-69.
Árbitros: Sandra Sánchez González, Joaquín Martínez González e Álvaro Ortin Lupon.
Incidencias: Partido correspondente á novena xornada da Liga U22, disputado no Multiusos Fontes do Sar de Santiago de Compostela.
0
Base
Altura: 1,83m.
Data nacemento: 31/08/1997
1
Ala-pivot
Altura: 2,08m.
Data nacemento: 11/10/2001
3
Base
Altura: 1,96m.
Data nacemento: 31/08/1994
7
Pivot
Altura: 2,18m.
Data nacemento: 30/04/1998
8
Alerg
Altura: 2,01m.
Data nacemento: 20/03/1993
9
Base
Altura: 1,99m.
Data nacemento: 21/11/1999
12
Pivot
Altura: 2,08m.
Data nacemento: 30/01/2000
23
Alerg
Altura: 1,96m.
Data nacemento: 15/04/1993
24
Alerg
Altura: 1,98m.
Data nacemento: 24/04/1997
25
Escolta
Altura: 1,85m.
Data nacemento: 21/04/1996
28
Escolta
Altura: 1,87m.
Data nacemento: 31/08/1998
44
Pivot
Altura: 2,08m.
Data nacemento: 20/02/2002
57
Ala-pivot
Altura: 2,07m.
Data nacemento: 12/09/1999
Adestrador
Data nacemento: 25/05/1978
O noso sitio utiliza cookies.
Este sitio web utiliza cookies propias y de terceros para analizar nuestros servicios y mostrarte publicidad relacionada con tus preferencias, en base a un perfil elaborado a partir de tus hábitos de navegación (por ejemplo, páginas visitadas). Si continúas navegando, consideraremos que aceptas su uso. Puedes configurar o rechazar la utilización de cookies u obtener más información aquí
Más información sobre el uso de cookies y sus opciones de privacidad
Este sitio web utiliza cookies propias para recabar y tratar su información con las finalidades que se detallan a continuación en el panel de configuración.
A través del mismo, puede aceptar o rechazar de forma diferenciada el uso de cookies, que están clasificadas en función del servicio. En cada uno de ellos encontrará información adicional sobre sus cookies. Puede encontrar más información en Política de cookies.
