Leo Meindl, versatilidade e experiencia para o Monbus Obradoiro / Obradoiro

Fichaxe

Leo Meindl, versatilidade e experiencia para o Monbus Obradoiro

10 de xullo de 2026

O internacional brasileiro, con experiencia na Liga Endesa tras o seu paso por Flexicar Fuenlabrada e San Pablo Burgos, convértese na primeira fichaxe obradoirista para o regreso á ACB.

Tras manter boa parte do bloque que logrou o ascenso á máxima categoría do baloncesto español, o Monbus Obradoiro incorpora a súa primeira cara nova para a vindeira tempada: Leo Meindl, exterior internacional brasileiro de 33 anos e 2,01 metros de altura.

Meindl desenvolveu gran parte da súa carreira na primeira división do Brasil antes de dar o salto a Europa na tempada 2020/21 para disputar dúas campañas no Flexicar Fuenlabrada. Posteriormente militou durante dúas tempadas no Alvark Tokyo, da liga xaponesa.

A pasada campaña regresou a España para vestir a camiseta do San Pablo Burgos, onde disputou 32 encontros de Liga Endesa e asinou unhas medias de 10,4 puntos, 5,2 rebotes e 1,9 asistencias por partido.

Desde o Monbus Obradoiro dámoslle a benvida a Leo e desexámoslle moitos éxitos nesta nova etapa defendendo a nosa camiseta.

Categorías

Destacado

Plantilla

Equipo