Durante a visita, o Monbus Obradoiro percorreu as diferentes áreas do museo, coñecendo de primeira man o proceso de elaboración dos produtos de Estrella Galicia. O percorrido permitiu ao Monbus Obradoiro descubrir as fases de selección de materias primas, elaboración, fermentación e envasado, así como a filosofía de calidade que caracteriza á marca.

O Monbus Obradoiro tamén puido gozar dos espazos interactivos do museo, onde se explica a historia de Estrella Galicia, a súa evolución e a súa vinculación coa cultura galega, ademais dunha experiencia sensorial na que se analizan aromas, sabores e matices que forman parte do proceso de cata. A visita incluíu tamén unha parada na zona histórica do museo, onde se amosan as orixes da compañía e o seu crecemento ata converterse nunha das marcas de referencia do sector.

Segundo Manuel Eiroa, responsable de patrocinios deportivos en Estrella Galicia, “este ascenso supón unha gran alegría para todos os que levamos anos acompañando este proxecto. En Estrella Galicia levamos moito tempo ao lado do club e da súa afección, compartindo o camiño en todas as súas etapas. Ter estado presentes tamén nos momentos máis esixentes é o que lle dá sentido hoxe a este logro. Porque para nós o importante é formar parte dunha historia construída con esforzo, identidade e o apoio dunha afección que nunca falla”.

Héctor Galán, director xeral do Monbus Obradoiro, quixo poñer en valor o papel de Estrella Galicia dentro do proxecto deportivo, sinalando que “o Monbus Obradoiro non só atopa en Estrella Galicia un patrocinador, senón un compañeiro de viaxe que entende a importancia de construír proxectos sólidos, con paciencia, ambición e raíces moi claras en Galicia”. Ademais, engadiu que “este tipo de experiencias reforzan a identidade do Monbus Obradoiro e lémbrannos a importancia de contar con empresas que cren no noso crecemento dentro e fóra da pista”.

Así mesmo, o director de márketing do Monbus Obradoiro, Andrés García, destacou a solidez da alianza entre ambas entidades, afirmando que “a relación entre o Monbus Obradoiro e Estrella Galicia é un exemplo de colaboración estratéxica que vai máis alá do patrocinio, cunha visión compartida que seguirá medrando nos próximos anos”. Tamén subliñou que “accións como esta visita ao MEGA axudan a achegar a marca ao equipo, á afección e a seguir xerando experiencias que fortalecen o vínculo emocional co proxecto”.

A xornada do Monbus Obradoiro concluíu cun brinde nas instalacións do museo, acompañado dun petisco informal, nun ambiente distendido no que os membros do club e os representantes de Estrella Galicia compartiron impresións sobre o presente e futuro do club, celebrando o ascenso e os novos retos da tempada. Ademais, cada xogador e membro do staff puido levar un pack Edición Especial que inclúe un botellín especial ascenso, gorra e bufanda. Trátase dunha edición limitada, numerada do 1 ao 150.

Ademais, aproveitouse a ocasión para entregar o MVP Estrella Galicia do mes de abril a Diogo Brito e o MVP Estrella Galicia da tempada a Alex Barcello.

Esta visita reforza a estreita relación entre o Monbus Obradoiro e Estrella Galicia, consolidando unha alianza baseada na confianza, no apoio mutuo e no compromiso co deporte.