Entradas

O club xa coñece a información sobre as entradas asignadas por Leyma Coruña para que os nosos afeccionados poidan asistir ao partido. Tras reservar unha porcentaxe de entradas para as peñas, as localidades restantes poranse á venda o martes 7 de abril ás 12:00 horas unicamente de forma online na nosa web. Cada entrada terá un prezo de 20 euros e só poderán adquirilas os abonados de Monbus Obradoiro, cun máximo dunha entrada por persoa. As entradas enviaranse aos compradores unha vez que Leyma Coruña nolas faga chegar ao club.

Autobús

Para facilitar o desprazamento, o club poñerá á disposición dos afeccionados autobuses especiais cara á Coruña. Poderán reservar billete todas as persoas que teñan entrada para o partido, independentemente de onde a adquirisen (web de Leyma Coruña ou Monbus Obradoiro). A expedición partirá desde a porta número 9 do Estadio Municipal Verónica Boquete de San Lázaro ás 15:45 horas e regresará ao mesmo lugar ao remate do partido. O prezo do billete é de 5 euros

As condicións varían segundo o tipo de comprador:

• Abonados do Monbus Obradoiro: Ao adquirir o billete, deberán aboar 5 euros, que se reembolsarán posteriormente no seu moedeiro do club, facendo que a viaxe sexa gratuíta. Cada billete debe mercarse co usuario e contrasinal do abonado, xa que só así se poderá facer o reembolso. Unha persoa pode mercar varios billetes, pero só se considerará un abonado para o reembolso. Se o abonado non realiza a viaxe, non se fará o reembolso.
• Non abonados: Poderán adquirir os billetes de autobús, pero non terán dereito a reembolso.

Os autobuses só circularán se se acada un número mínimo de prazas vendidas; en caso contrario, reembolsarase o importe do billete. A opción de autobús pecharase o próximo xoves ás 14:00 horas.