O Monbus Obradoiro lanza a súa Black Week con descontos especiais / Obradoiro

Noticia

O Monbus Obradoiro lanza a súa Black Week con descontos especiais

A semana máis esperada para os afeccionados do Monbus Obradoiro chegou! Do 24 ao 28 de novembro, aproveita a Black Week e leva contigo os teus produtos oficiais favoritos con descontos de ata o 35%.

Este ano, o Monbus Obradoiro non celebrará o Black Friday. ¿Por que limitar os descontos a un só día cando podes desfrutalos durante toda unha semana? Por iso, o club lanza a Black Week, unha oportunidade única para facerte con produtos oficiais a prezos excepcionais.

Do luns 24 ao venres 28 de novembro, todos os produtos da tenda física terán un 25% de desconto adicional. As persoas abonadas poderán aplicar un 25% de desconto extra ao produto unha vez se lles teña restado o 10% do que xa desfrutan, mentres que quen aínda non é abonado tamén poderá aproveitar un 25% de desconto en toda a tenda. Esta promoción é válida exclusivamente na tenda física do Multiusos Fontes do Sar.

Camisetas, sudadeiras, accesorios e todo o merchandising oficial do Obradoiro estarán dispoñibles para que os afeccionados renoven a súa equipación e amosen a súa paixón polo equipo. Non deixes pasar esta semana de ofertas e achegádevos á tenda para aproveitar a Black Week.

Destacado

Plantilla

Equipo

Galego