Tras a saída de Micah Speight do Covirán Granada, o club galego acadou un acordo para incorporar á súa plantilla a este xogador de 1,78 metros de altura. O base xa está en Santiago de Compostela, onde pasará proximamente o recoñecemento médico e comezará a adestrar xunto co equipo e cos seus novos compañeiros.

Na tempada 2024/25, Speight xogou no Pau-Lacq-Orthez, da segunda división francesa, onde participou en 23 partidos e promedió 11,4 puntos, 4,2 rebotes e 5,6 asistencias por encontro.

A súa traxectoria inclúe tamén unha etapa no Fuerza Regia da primeira división mexicana. En España, ademais do seu paso polo Covirán Granada, defendeu as cores do Alimerka Oviedo, Súper Agropal Palencia, San Pablo Burgos e MoraBanc Andorra, co que logrou o ascenso á ACB.

Héctor Galán, director xeral do Monbus Obradoiro, afirma que Micah Speight “é un xogador con ampla experiencia na nosa competición, tendo pasado por diferentes equipos e formando parte de proxectos con obxectivos semellantes aos nosos”.

“Nese sentido, vén incorporarse a un equipo que actualmente está a funcionar francamente ben. Despois dun inicio irregular, o grupo foi quen de atopar a súa mellor dinámica e de realizar partidos moi completos, como o último que disputamos esta semana en Sar. A incorporación de Micah ten como obxectivo complementar, reforzar e facer aínda máis competitiva a plantilla de aquí a final de tempada”.

“Desexámoslle moita sorte nesta etapa, unha boa e rápida adaptación aos seus compañeiros, ao club e á cidade, e que poidamos comezar a gozar do seu xogo o antes posible”.