O Monbus Obradoiro e Michael Caicedo poñen fin á súa vinculación / Obradoiro

Fichaxe

O Monbus Obradoiro e Michael Caicedo poñen fin á súa vinculación

20 de outubro de 2026

O xogador español pecha a súa etapa no conxunto obradoirista tras incorporarse o pasado mes de agosto para completar a pretempada e reforzar os adestramentos do equipo.

Michael Caicedo incorporouse ao Monbus Obradoiro o pasado mes de agosto para completar a pretempada e reforzar os adestramentos do conxunto dirixido por Diego Epifanio. Durante este tempo, o aleiro integrouse no grupo e participou con normalidade no traballo diario do equipo.

Tras este período, o xogador e o club poñen fin á súa vinculación, polo que Caicedo deixa de formar parte da dinámica do conxunto obradoirista.

Desde o Monbus Obradoiro queremos agradecerlle a Michael Caicedo a súa axuda, traballo e compromiso durante estes meses, así como a súa disposición desde o primeiro día. Desexámoslle moita sorte e o mellor nos seus próximos retos, tanto a nivel profesional como persoal.