O Monbus Obradoiro incorpora a Brandon Childress / Obradoiro

Fichaxe

O Monbus Obradoiro incorpora a Brandon Childress

26 de xullo de 2026

O base estadounidense, de 28 anos e 1,83 metros de altura, chega ao conxunto compostelán tras consolidarse como un dos referentes do Bursaspor, onde destacou pola súa capacidade anotadora e de dirección de xogo.

O Monbus Obradoiro incorpora ao seu cadro de xogadores a Brandon Childress, base estadounidense de 28 anos e 1,83 metros de altura, que chega procedente do Bursaspor para reforzar a dirección de xogo do conxunto compostelán.

Durante a pasada tempada, Childress converteuse nun dos grandes referentes do equipo turco. Na esixente liga turca promediou 14,9 puntos, 6,8 asistencias e 2,6 rebotes por partido, sendo o máximo asistente do seu equipo e un dos seus principais referentes ofensivos. Ademais, disputou a Basketball Champions League, competición na que asinou 10,5 puntos, 5,5 asistencias e 2,7 rebotes en seis encontros.

O seu rendemento en Turquía confirmou a progresión que xa amosara anteriormente no CBet Jonava de Lituania, onde superou os 18 puntos por partido antes de dar o salto ao Bursaspor. Ao longo da súa traxectoria profesional tamén competiu en Grecia, Estonia, Alemaña, República Dominicana e na NBA G League, acumulando unha ampla experiencia internacional.

Benvido a Santiago, Brandon! Estamos desexando verte en Sar.

Categorías

Destacado

Cadro de xogadores

Equipo