Parte médico: Goran Huskic / Obradoiro

Noticia

Parte médico: Goran Huskic

No día de onte, o noso xogador Goran Huskic foi intervido cirurxicamente da rotura do ligamento cruzado anterior e do menisco medial, lesión sufrida na primeira xornada da Primeira FEB fronte ao Hestia Menorca.

A operación foi realizada polos doutores Miguel Hermida e Sergio Abilleira no Hospital HM A Esperanza de Santiago de Compostela, cun resultado óptimo.

Nos próximos días, Huskic iniciará o proceso de rehabilitación baixo a supervisión dos servizos médicos do Club, co obxectivo de avanzar de maneira progresiva na súa recuperación.

Desde o Club queremos trasladarlle todo o noso apoio e ánimo a Goran, desexándolle unha pronta e satisfactoria recuperación.