Parte médico: Olle Lundqvist / Obradoiro

Noticia

Parte médico: Olle Lundqvist

17 de decembro de 2025

O xogador sueco perderase o que queda de tempada tras sufrir unha grave lesión no partido de onte fronte a Caja Rural CB Zamora.

O xogador Olle Lundqvist sufriu onte un percance no partido fronte a Caja Rural CB Zamora, que se traduciu nunha rotura do tendón rotuliano do xeoenllo esquerdo. Tras a avaliación médica inicial, determinouse que será intervido mañá pola tarde no Hospital HM Policlínico La Rosaleda, nunha operación que estará a cargo dos doutores Hermida e Perez Abilleira.

Debido á gravidade da lesión, a tempada actual rematou para Olle, que agora iniciará o proceso de recuperación e rehabilitación baixo a supervisión dos servizos médicos do club.

O club quere transmitir o seu total apoio a Olle e deséxalle unha pronta e completa recuperación.