Martes universitario na Caldeira / Obradoiro

Noticia

Martes universitario na Caldeira

9 de decembro de 2025

Co motivo do partido da xornada 12 da Primeira FEB que enfrontará ao Monbus Obradoiro contra o Caja Rural CB Zamora no Multiusos Fontes do Sar, o club lanza prezos especiais para toda a comunidade universitaria.

O encontro ligueiro, que se disputará o martes 16 de decembro ás 20:00 horas, conta cunha promoción exclusiva exclusiva para universitarios.

Entradas con descontos

Cada persoa poderá adquirir un máximo de dúas entradas. A promoción inclúe tres modalidades, limitadas e suxeitas á orde de adquisición:

Primeiras 100 entradas: gratuítas para os máis rápidos.
Entradas 101 a 200: 3 euros cada unha.
Entradas 201 a 300: 5 euros cada unha, sempre condicionado á dispoñibilidade de aforo.

Todas as localidades estarán situadas na Tribuna 2 do Multiusos Fontes do Sar. Para beneficiarse destas condicións, será necesario presentar a Tarxeta Universitaria de Identidade (TUI) no acceso ao pavillón.

Códigos promocionais dispoñibles

O código para adquirir as entradas xa está activo na web do Monbus Obradoiro:

USC12256

Deporte de élite ao alcance da USC

Con esta iniciativa, o Monbus Obradoiro reafirma o seu compromiso de achegar o baloncesto profesional á comunidade universitaria e fomentar a participación dos afeccionados no vibrante ambiente do Fontes do Sar.

Non perdas a oportunidade de desfrutar do mellor baloncesto en directo e vivir un Martes Universitario único na Caldeira.