Leo Westermann volve ao Monbus Obradoiro / Obradoiro

Leo Westermann volve ao Monbus Obradoiro

Dous anos despois da súa primeira etapa, Leo Westermann regresa a Santiago de Compostela para volver a vestir as cores dunha cidade e dun club que xa coñece ben.

Durante o seu anterior paso polo conxunto compostelán, competindo na Liga Endesa, o base francés deixou uns promedios de 6,7 puntos, 2,4 rebotes e 2,6 asistencias por encontro. Agora, nun novo contexto pero coa mesma ambición de sempre, regresa para loitar polo desafío de devolver ao club á elite española.

Ao longo da súa ampla traxectoria profesional, Westermann defendeu a camiseta dalgúns dos clubes máis destacados do continente: ASVEL, Partizan, Limoges, Zalgiris Kaunas, CSKA Moscova, Fenerbahçe, FC Barcelona —co cal conquistou a Liga ACB e a Copa do Rei en 2021—, Mónaco e, máis recentemente, o Flexicar Fuenlabrada, na Primeira FEB.

Na tempada 2024-25, disputou 33 partidos co conxunto madrileño, asinando promedios de 9 puntos, 2,5 rebotes e 3,8 asistencias por encontro. A súa liderado e experiencia foron clave para que alcanzasen a Final Four polo ascenso á ACB, onde caeron na final ante o Real Betis Baloncesto.

Para Diego Epifanio, a incorporación de Leo supón ter “un xogador grande para a posición de 1, director, listo, con boa capacidade na lectura do xogo e no uso do pase. Leo ten moita experiencia e un gran currículo pola súa participación en grandes clubes e na selección do seu país. Ademais, vén de realizar unha gran tempada nesta competición”.