Entradas a prezos reducidos para recibir a Palencia / Obradoiro

Noticia

Entradas a prezos reducidos para recibir a Palencia

30 de marzo de 2026

Todos os afeccionados contarán con descontos especiais. Os abonados do Monbus Obradoiro terán prioridade na compra de entradas ata o próximo xoves ás 12:00 horas, cando se abrirá a venda ao público en xeral.

O próximo domingo 5 de abril ás 18:30 horas, o Monbus Obradoiro enfrontarase ao Super Agropal Palencia nun partido moi importante da tempada no Multiusos Fontes do Sar. No pavillón, cada afeccionado suma e queremos enchelo!

Cada abonado poderá entrar co seu carné habitual, pero tamén terá a oportunidade de mercar entradas con prioridade para amigos ou familiares que queiran gozar do baloncesto picheleiro. A venda para abonados xa está aberta, mentres que o público en xeral poderá adquirir entradas a partir do xoves 2 de abril ás 12:00 horas. Tanto abonados como público en xeral contarán con descontos especiais para facilitar a asistencia.